«Chelsi» va «Real» «Fulxem» yarim himoyachisi uchun kurashga qo‘shilishdi

«Fulxem» yarim himoyachisi Fabio Karvalyo yana ikkita top-klubni o‘ziga jalb qildi. 19 yoshli futbolchiga da’vogarlar ro‘yxatida «Chelsi» va «Real» bor. Bu haqda Britaniyaning Eurosport nashri xabar bermoqda.
Avvalroq Karvalyoga «Liverpul»dan qiziqish borligi haqida xabarlar tarqalgan edi. Transfermarkt yarim himoyachini 250 ming yevroga baholamoqda.
Joriy mavsumda Karvalyo 7 ta o‘yin o‘tkazib, 3 ta gol urdi va bitta golli uzatmani amalga oshirdi.